سه‌در به‌شدارى له هه‌ڵبژاردنى ئه‌نجومه‌نى پارێزگاكان ده‌كات
نوچه‌نێت
ئه‌مڕۆ دووشه‌ممه نۆى كانوونى دووه‌م 2023 رۆژنامه‌ى عه‌ره‌ب له راپۆرتێكدا ده‌ڵێ، "هه‌ڵبژاردنى ئه‌نجومه‌نى پارێزگاكان ده‌روازه‌یه‌كه بۆ سه‌در تا له شانۆى عێراق ده‌ربكه‌وێته‌وه".
له مانگى رابردوو لایه‌نه سیاسییه‌كانى عێراق له‌سه‌ر ئه‌وه رێككه‌وتن له مانگى تشرینى یه‌كه‌م "ئۆكتۆبه‌ر"ى داهاتوو هه‌ڵبژاردنى ئه‌نجومه‌نى پارێزگاكان بكرێت، چونكه له‌كۆتایى 2019 به هۆى تۆمه‌تباربوونى به تێوه‌گلان له گه‌نده‌ڵى په‌رله‌مانى عێراق بڕیارى هه‌ڵوه‌شاندنه‌وه‌ى ئه‌نجومه‌نى پارێزگاكانى دا.
ئه‌نجومه‌نى پارێزگا كۆمه‌ڵێك ده‌سه‌ڵاتى هه‌یه له‌وانه ته‌رخانكردنى بودجه‌ى شاره‌كان و دوورخستنه‌وه‌ى به‌ڕێوه‌به‌رى فه‌رمانگه‌كان ته‌نانه‌ت به پارێزگاریشه‌وه. بۆیه ناوه‌نده سیاسییه‌كان پێیانوایه هه‌ڵبژاردنى ئه‌نجومه‌نى پارێزگاكان گرنگییه‌كه‌ى له هه‌ڵبژاردنى په‌رله‌مان كه‌متر نییه و كاریگه‌رى سیاسى هه‌یه. بۆیه پێشبینى ده‌كرێت ره‌وتى سه‌در كه موقته‌دا سه‌در رێبه‌رایه‌تى ده‌كات به‌شداری له‌و هه‌ڵبژاردن بكات و ئه‌گه‌ر ئه‌و كاره نه‌كات ئه‌وا كۆتایى به كاریگه‌رى سیاسى ئه‌و ره‌وته دێت.
له هاوینى رابردوو ره‌وتى سه‌در كه براوه‌ى یه‌كه‌مى هه‌ڵبژاردنى په‌رله‌مان بوو، له په‌رله‌مان كشایه‌وه، دواتریش سه‌در دووركه‌وتنه‌وه‌ى خۆى له كارى سیاسى راگه‌یاند، كه رۆژنامه‌كه بڕیارى ده‌ستله‌كاركێشانه‌وه‌ى په‌رله‌مان له‌لایه‌ن سه‌دره‌وه به "هه‌ڵه" ناو ده‌بات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment