ململانێیه‌كى توند له‌نێو هێزه سوننه‌كانى عێراق ده‌رده‌كه‌وێت
نوچه‌نێت
ئه‌مڕۆ دووشه‌ممه 12/ كانوونى یه‌كه‌م/2022 رۆژنامه‌ى شه‌رق ئه‌وسه‌ت له راپۆرتێكدا ئاشكراى ده‌كات، ململانێیه‌كى توندى سوننه ده‌ركه‌وت و كه ره‌نگه یه‌كێك له لێكه‌وته‌كانى دوورخستنه‌وه‌ى حه‌لبووسى بێت له پۆسته‌كه‌ى.
له رۆژنامه‌كه باس له‌وه كراوه، هه‌ر یه‌كه له جه‌مال كه‌ربوولى سه‌رۆكى حزبى "حه‌ل" و حه‌یده‌ر مولا كه سیاسه‌تمه‌دارێكى سوننه‌یه به جیا هێرشیان كردووه‌ته سه‌ر حه‌لبووسى و به زمانێكى "دوور له سیاسه‌ت" قسه‌یان به حه‌لبووسى گوتوه، بێئه‌وه‌ى ناوى بهێنن، هه‌ڕه‌شه‌ى دوورخستنه‌وه‌یان له پۆسته‌كه‌ى كردووه.
د. یه‌حیا كوبه‌یسى چاودێرى سیاسى و كه‌سایه‌تى دیارى سوننه بۆ رۆژنامه‌كه قسه‌ى كردووه و دووپاتى له‌سه‌ر ئه‌وه كردووه، خاڵى سه‌ره‌كى ناكۆكییه‌كه پارێزگاى ئه‌نباره چونكه حه‌لبووسى ده‌سه‌ڵاتى خۆى به‌سه‌ر شاره‌كه سه‌پاندووه و بۆیه لایه‌نه‌كانى تر ده‌یانه‌وێ ده‌سه‌ڵاتیان له شاره‌كه هه‌بێت.
جگه‌له كه‌سایه‌تییه سیاسییه‌كان، ئه‌نجومه‌نى هۆزه‌كانى سه‌لاحه‌دینیش له‌گه‌ڵ حه‌لبووسى كه‌وتوونه‌ته ململانێ و به‌یاننامه‌یه‌كیان ده‌ركه‌وتووه، پاڵپشتى خۆیان بۆ ئه‌نجومه‌نى شاره‌كه‌یان ده‌رده‌كه‌ن، ئه‌مه‌یش وه‌ك وه‌ڵامێك ده‌بێت بۆ حه‌لبووسى كه چه‌ند رۆژێك له‌مه‌وبه‌ر ره‌خنه‌ى توندى له به‌رپرسانى سه‌لاحه‌دین گرتووه.
هه‌رچه‌نده سوننه‌كان ماوه‌یه‌كه باس له دوورخستنه‌وه‌ى حه‌لبووسى ده‌كه‌ن، به‌ڵام یه‌حیا كوبه‌یسى دووپات له‌سه‌ر ئه‌وه ده‌كاته‌وه، كه بڕیار ته‌نیا بڕیارى سوننه‌كان نییه، به‌ڵكو ده‌بێت شیعه‌كانیش بڕیارى دوورخستنه‌وه‌ى حه‌لبووسى بده‌ن، ئه‌وانیش له‌سه‌ر ئه‌م بابه‌ته كۆك نیین. دوێنێ سه‌ركرده‌یه‌كى هاوپه‌یمانى عه‌زم له لێدوانێكى رۆژنامه‌وانى ئاشكراى كرد، دواى په‌سه‌ندكردنى بودجه‌ى گشتى عێراق بۆ ساڵى 2023 كار بۆ دوورخستنه‌وه‌ى حه‌لبووسى له پۆسته‌كه‌ى ده‌كه‌ن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment