کتێبی (شێخ ئەحمەدی بارزان لە ئاوێنەی ئایین و عیرفان) بڵاوكرایەوە
چرا یاسین: نوچە نێت
ناوەڕۆکی کتێبەکە، باس لە لایەنی ئایینی و عیرفانی شێخ ئەحمەد دەکات، کە تیایدا بە وردی باس لە چەمکی عیرفان و عارف و تەسەوف و سۆفی و پەیوەندی نێوان عیرفان و تەسەوف، عیشق و قۆناغەکانی، پێگەی عەشق لە ژیانی شێخ ئەحمەدی بارزانیدا، هەروەها باس لە چلەی عیرفانی و خەڵوەت کردنی عیرفانی شێخ ئەحمەد دەکات لەگەڵ ڕەنگدانەوەی پەیوەندییە کۆمەڵایەتییەکان لە تێڕوانینی شێخ ئەحمەدی بارزانیدا، پاشان دێتە سەر باسکردنی پەیوەندی کەسایەتیی کەلامی و عیرفانیی شێخ ئەحمەد بارزانی.
ڕەشید مەلا عەلی کۆڵەکی تایبەت بە نوچەنێتی ڕاگەیاند، "ڕەنگە پێشووتر زۆر کتێب و بابەت لەسەر کەسایەتی شێخ ئەحمەد نوسرا بێت، بەڵام زیاتر لەسەر لایەنی سیاسی و نیشتیمانی و نەتەوەییەکەیەوە نووسرابێت، من هەستم کرد کە بۆشایەک یان با بڵێم کەمییەک هەیە لەڕووی تێڕوانین و بیریی شێخ ئەحمەد بارزانی بۆ ئایین و عیرفان"
هەروەها نووسەری كتێبەكە سەبارەت بە هەڵبژاردنی ئەم بابەتە ئاماژەی بەوەدا کە "لەم کتێبەدا زیاتر تیشکخراوەتە سەر بیریی شێخ ئەحمەدی بارزان و چی کردووە بۆ ئایین و بۆ شەریعەت، چونکە بەدەر لە ڕۆڵی وەک سەرکردەیەکی سیاسی هاوکات ڕۆڵێکی زۆر باشی هەبووە لە بواری ئایینیدا و شارەزا و زانایەکی باشی تەفسیرکردنی قورئانی پیرۆز بووە، شارەزاییەکی باشی لە زانستی فەرموودەدا هەبووە لە هەمان کاتیشدا عارفێکی گەورەی ڕێگەی عیرفان بووە، ئەم دوو ڕەهەندە کەمتر لەسەری نووسراوە و من مەبەستم زیاتر ئەو دوو لایەنە بەیەکەوە کۆ بکەمەوە و بەیەکەوە بەرجەستە بکەم".
هاوكات د. شوان خۆشناو سەرۆكی بەشی مێژوو لە كۆلێژی ئاداب لەبارەی كتێبی (شێخ ئەحمەدی بارزان لە ئاوێنەی ئایین و عیرفان) گوتی: " شێخ ئەحمەد بەدەر لە هەڵوێستە سیاسییەکانی وەک چاکسازی خوازێک چاکسازی گەورەی ئەنجامداوە لە بواری کۆمەڵایەتی، لەوانە گەڕاندنەوەی ماف و شکۆی ئافرەتان بە نەهێشتنی دیاردەکانی ژن بە ژنی و شیربایی و بەزۆر بەشوودانی ئافرەتان، پێدانی ئافرەت لە بری خوێن، هەروەها ڕۆڵێکی بەرچاوی هەبووە لە پاراستنی ژینگە، بە نەهێشتنی بڕینەوەی دار و پاراستنی دارە بەردارەکان، و ڕێگریکردن لە دیاردەی ڕاوکردنی ئاژەڵ و کوشنتان، کە کاریگەری بەرچاوی ئەم بیر و ڕوانینە تاوەکو ئێستاش لەنێو خەڵکانی ناوچەی بارزان ماوەتەوە."
ئاسۆ حاجی نووسەر و ڕۆژنامەنووس دەڵێت، " مێژووی بنەماڵەی بارزان لە سەردەمی شێخ ئەحمەدی بارزان دەگاتە ترۆپک لەڕووی عەقیدە و فەلسەفەوە ڕۆشنگەریی سیاسی، ڕاستە کە ئەو کەسێکی زاهید بوو، بەڵام ئەو زاهیدییەی وای لێنەکردبوو کە گۆشەگیربێت و دەست لە دونیا هەڵگرێت، بەڵکو ئەم بیروباوەڕە ئاینییەی خستووەتە خزمەتی خەباتی سیاسی و خزمەتکردنی خاک و نیشتیمان" .
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment