نێچیرڤان بارزانى: بە دیدێکی نوێخواز و داهێنەرانە خەباتى ڕێکخراوەییتان ئاراستە بکەن
.jpg)
نوچەنێت:
ئەمڕۆ هەینى (18/شوبات/2022)، سەرۆک نێچیرڤان بارزانى، جێگرى سەرۆکى پارتى دیموکراتى کوردستان، یادى شه‌ست و نۆیه‌مین ساڵه‌ى دامەزراندنی یەکێتى لاوانى دیموکراتى کوردستان ڕایگەیاند، "ده‌بێ ڕۆڵی کاریگەرتان هەبێت لە هاندان و پشتیوانیکردنى لاوانی بەهرەدار و لێهاتوو، پتەوکردنی هەستی بڕوابەخۆبوون و پشتبەخۆبەستن و گیانی هاوکاری و کاری خۆبەخشی لەنێو لاواندا."
دەقى پەیامەکەى جێگرى سەرۆکى پارتى دیموکراتى کوردستان بۆ یەكێتیی لاوانی دیموکراتی كوردستان:
هەڤاڵان سكرتێر و ئەندامانی مەكتەبی سكرتاریەت و سەركردایەتیی یەكێتیی لاوانی دیموکراتی كوردستان
یادى شه‌ست و نۆیه‌مین ساڵه‌ى دامەزراندنی یەكێتییە تێکۆشەرەکەتان، به گەرمى له ئێوە و كادیر و ئەندامانی ڕێكخراوەكەتان و سەرجەم لاوانی كوردستان پیرۆز دەكەم، هیوادارم هەمیشە لە كار و كۆششتان بۆ خزمەتکردنی خواستەکانی لاوانی کوردستان بەردەوام بن و ئەم یادە هاندەری هەنگاوی گەورەتر و کار و خەباتی زیاترتان بێت.
شانازییە بۆ یەکێتییه‌كه‌تان کە خاوەن مێژوویەکی پڕ سەروەری و خەباتێکی نەپساوە و کۆکەرەوەی توانا و بەهرەکانی لاوانی کوردستان بووە، جگە لە بەخشینی چەندین شەهیدی قارەمان، چەندین سەرکردە و تێکۆشەری لێهاتووی پێگه‌یاندووه. کار و خەباتی ڕێکخراوەیی و مەدەنیانەتان بەرز دەنرخێنین.
دۆخى ئەمڕۆی كوردستان ئەرک و بەرپرسیاریه‌تیی زیاتر لە هەموو لایەک دەخوازێت بەتایبەتى لە بڵاوکردنەوەی هۆشیاری و هەستی بەرپرسیاریه‌تی و بەهێزکردنی كولتوورى بنەماکانی لێبوردەیی و ئاشتی و پێکەوەژیان، هه‌روه‌ها ده‌بێ ڕۆڵی کاریگەرتان هەبێت لە هاندان و پشتیوانیکردنى لاوانی بەهرەدار و لێهاتوو، پتەوکردنی هەستی بڕوابەخۆبوون و پشتبەخۆبەستن و گیانی هاوکاری و کاری خۆبەخشی لەنێو لاواندا.
وێڕاى سوودوەرگرتن لە ئەزموونی نەوەکانی پێش خۆتان، گرنگە بە دیدێکی نوێخواز و داهێنەرانە و میکانیزمی نوێی گونجاو لەگەڵ گیانى سەردەم، بۆ بەهێزکردنی کۆمەڵگه و داهاتوویه‌كى باشتر، بە لاوانی بەتوانا و بەرهەمهێن، خەباتی ڕێکخراوەییتان ئاراستە بکەن.
هه‌ر سەرکەوتوو بن، بەرز و شکۆدار بێت ساڵیادی دامەزراندنی یەکێتیی لاوانی دیموکراتی کوردستان. دروود بۆ گیانی پاكى شەهیدانی یەکێتییه‌كه‌تان و ته‌واوى شه‌هیدانى کوردستان.
نێچیرڤان بارزانى
جێگرى سه‌رۆكى پارتى دیموكراتى كوردستان
18/2/2022
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment