نێچیرڤان بارزانى بۆ یەکێتى قوتابیان: کار و خەباتی مەدەنیانەتان بەرز دەنرخێنین
نوچەنێت:
ئەمڕۆ هەینى (18/شوبات/2022)، نێچیرڤان بارزانى، جێگرى سه‌رۆكى پارتى دیموكراتى كوردستان بە بۆنەی شه‌ست و نۆهەمین ساڵیادی دامەزراندنی یەکێتیی قوتابیانی کوردستان لە پەیامێکدا دەڵێت، "گرنگە هه‌نگاوه‌كانتان هاوشانی پێشکەوتنی خێرا و گەورەی سەردەم بن لە بواری زانست و خوێندن و پەروەردەدا."
دەقى پەیامى نێچیرڤان بارزانى، لە ساڵیادى دامەزراندنى یەکێتیى قوتابیانى کوردستان:
بەڕێزان سکرتێر و ئەندامانی سکرتاریەت و ته‌واوى هەڤاڵانی یەکێتیی قوتابیانی کوردستان
بە بۆنەی شه‌ست و نۆهەمین ساڵیادی دامەزراندنی یەکێتیی قوتابیانی کوردستانەوە گەرمترین پیرۆزبایی لە خۆتان و تێکڕای ئەندامانی ڕێکخراوە تێکۆشەرەکەتان و قوتابیانی کوردستان دەکەم، هیوادارم ئەم یادە هاندەرێکی بەهێز بێت بۆ برەودانی زیاتر بە خەباتی ڕێکخراوەییتان لەپێناو ماف و خواستەکانی قوتابیانی کوردستاندا.
یەکێتیی قوتابیانی کوردستان خاوەنی مێژوویەکی پڕ لە سەروەرییە، وێڕای بەخشینی چەندین شەهیدی قارەمان، لانکەی پێگەیاندنی چەندین سەرکردە و تێکۆشەری دیاری گەلەکەمانە کە ڕۆڵی گرنگیان لە بزاڤی ڕزگاریخوازیى كوردستاندا بینیوە.
ڕێکخراوەکەتان به‌رپرسیاریه‌تى ئەرکی گرنگی نیشتمانی و پیشەیی لە ئەستۆدایە بۆ پاراستنى مافه‌كانى قوتابیان و پێگەیاندنی تاکی هۆشیار و کادیری دڵسۆز و کارمەندی لێهاتوو بۆ خزمەتی نیشتمان و داهاتوویه‌كى باشتر، هه‌روه‌ها بۆ بەهێزکردنی بنەماکانی لێبوردەیی و یەکڕیزی و تەبایی.
گرنگە هه‌نگاوه‌كانتان هاوشانی پێشکەوتنی خێرا و گەورەی سەردەم بن لە بواری زانست و خوێندن و پەروەردەدا. پێشکەوتنی توانای زانستیی قوتابیان و پەرەپێدان بە بەهرەکانیان، زامنی داهاتوویەکی گەشە بۆ قوتابیان و کۆمەڵگه.
کار و خەباتی مەدەنیانەتان بەرز دەنرخێنین. هیوای سەرکەوتن و پێشکەوتنی بەردەوامتان بۆ دەخوازین. بەرز و شکۆدار بێت یادی دامەزراندنی یەکێتیی قوتابیانی کوردستان. دروود بۆ گیانی پاكى شەهیدانى یەکێتیی قوتابیان و ته‌واوى شه‌هیدانی کوردستان.
نێچیرڤان بارزانى
جێگرى سه‌رۆكى پارتى دیموكراتى كوردستان
١٨/٢/٢٠٢٢
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment