سه‌رۆكى هه‌رێمى كوردستان جه‌خت له سه‌ر رۆڵ و كاریگه‌رى یه‌كێتى ده‌كاته‌وه
نوچه‌نێت
ئه‌مڕۆ سێشه‌ممه چوارى ئایار له سلێمانى نێچیرڤان بارزانى سه‌رۆكى هه‌رێمى كوردستان له‌گه‌ڵ بافڵ تاڵه‌بانى و لاهور شێخ جه‌نگى هاوسه‌رۆكه‌كانى یه‌كێتى كۆبووه‌وه، له‌سه‌ر ناوه‌ڕۆكى كۆبوونه‌وه‌كه سه‌رۆكایه‌تى هه‌رێمى كوردستان راگه‌یێندراوێكى بڵاوكردووه‌ته‌وه ئه‌مه ده‌قه‌كه‌یه‌تى:
له به‌رده‌وامیى سه‌ردانیدا بۆ سلێمانى، نیوه‌ڕۆى ئه‌مڕۆ سێشه‌ممه 2021/5/4 به‌ڕێز نێچیرڤان بارزانى، سه‌رۆكى هه‌رێمى كوردستان، له‌گه‌ڵ به‌ڕێزان هاوسه‌رۆكان و مەكتەبی سیاسیی یه‌كێتیى نیشتمانیى كوردستان كۆبووه‌وه.
له كۆبوونه‌وه‌كه‌دا كه به‌ڕێزان جێگرانى سه‌رۆك ئاماده‌ى بوون، سه‌رۆك نێچیرڤان بارزانى وێڕاى پێویستى و گرنگیى كارى هاوبه‌ش و پێكه‌وه‌ییى نێوان ته‌واوى هێز و لایه‌نه سیاسییه‌كان و پێكهاته‌كانى هه‌رێمى كوردستان له‌پێناو مسۆگه‌ركردن و پاراستنى ماف و به‌رژه‌وه‌ندییه باڵاكانى هه‌رێمى كوردستان و ئێستا و قۆناغه‌كانى داهاتوودا، جه‌ختى له به‌رپرسیاریه‌تى و ڕۆڵ و پێگه‌ى دیار و كاریگه‌رى یه‌كێتیى نیشتمانیى كوردستان له یه‌كڕیزى و ته‌بایى و پرۆسه‌ى سیاسى و حوكمڕانیى هه‌رێمى كوردستان و له‌سه‌ر ئاستى عێراقدا كرده‌وه.
لاى خۆیانه‌وه به‌ڕێزان هاوسه‌رۆكانى یه‌كێتیى نیشتمانیى كوردستان وێڕأى ده‌ستخۆشى، هه‌موو پشتگیرییه‌كى یه‌كێتییان بۆ هه‌وڵ و هه‌نگاوه‌كانى سه‌رۆك نێچیرڤان بارزانى و سه‌رۆكایه‌تیى هه‌رێمى كوردستان له‌پێناو نه‌هێشتنى ناكۆكییه‌كان و هێنانه‌دى یه‌كده‌نگى و هاوهه‌ڵوێستى و یه‌كڕیزیى نێوان هێز و لایه‌نه سیاسییه‌كان و پێكهاته‌كانى كوردستاندا دووپات كرده‌وه و هه‌موو هاوكارییه‌كیان بۆ سه‌رخستنى ئه‌و هه‌وڵانه نیشان دا و هاوڕا بوون كه پێویسته میكانیزم و چواچێوه‌یه‌كى هاوه‌به‌ش بۆ پێكه‌وه‌كاركردن و هاریكارى و هه‌ماهه‌نگى له‌نێوان هه‌موو هێز و لایه‌نه سیاسییه‌كاندا هه‌بێت.
هه‌نگاوه‌كان بۆ ئاماده‌كردنى ده‌ستوورى هه‌رێمى كوردستان، دۆخى هه‌رێمى كوردستان به‌گشتى، په‌یوه‌ندییه‌كانى هه‌ولێر ـ به‌غدا و گفتوگۆى چاره‌سه‌ركردنى كێشه‌كانیان، هه‌ڵبژاردنه‌كانى داهاتووى عێراق و كۆمه‌ڵێك بابه‌تى جێى بایه‌خى هاوبه‌ش، چه‌ند ته‌وه‌رێكى دیكه‌ى كۆبوونه‌كه بوون.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment