سه‌رۆكى هه‌رێمى كوردستان و سەرۆک کۆمارى عێراق سەرکۆنەى هێرشەکەى سەر کۆرمۆر دەکەن
نوچەنێت
ڕۆژى یەکشەممە (28/نیسان/2024) له دووه‌م ڕۆژى سه‌ردانیدا بۆ به‌غدا سەرۆک نێچیرڤان بارزانى، سه‌رۆكى هه‌رێمى كوردستان له‌گه‌ڵ د. له‌تیف ڕه‌شید سه‌ركۆمارى عێراقى فیدراڵ كۆبووه‌وه.
سەرۆکایەتیى هەرێمى کوردستان دەڵێت، له كۆبوونه‌وه‌كه‌دا "دۆخى گشتیى عێراق و گرنگیى پاراستنى ئارامى و سه‌قامگیرى، بره‌ودان به پێشخستنى كه‌رتى ئابوورى و خزمه‌تگوزارى، پشتگیرى له حكوومه‌تى فیدراڵ بۆ جێبه‌جێكردنى كارنامه‌كه‌ى، گفتوگۆى هه‌ولێر ـ به‌غدا بۆ چاره‌سه‌ركردنى كێشه‌كانیان به‌پێى ده‌ستوور و هاریكارى و هه‌ماهه‌نگیى نێوان حكوومه‌تى فیدراڵ و حكوومه‌تى هه‌رێمى كوردستان له هه‌موو بواره‌كاندا"، تاوتوێ كرا.
سەرۆکى هەرێمى کوردستان و سەرۆک کۆمارى عێراق، جه‌ختیان له "پته‌وكردنى په‌یوه‌ندییه‌كانى هه‌ولێر ـ به‌غدا و سه‌رخستنى گفتوگۆى چاره‌سه‌ركردنى كێشه‌كانى نێوانیان كرده‌وه، هه‌روه‌ها باسیان له سه‌ردانى به‌ڕێز سه‌رۆك وه‌زیرانى عێراقى فیدراڵ بۆ ئه‌مه‌ریكا و سه‌ردانى به‌ڕێز سه‌ركۆمارى توركیا بۆ عێراق و هه‌رێمى كوردستان و ئه‌نجامى هه‌ردوو سه‌ردانه‌كه كرد بۆ بره‌ودان به په‌یوه‌ندییه‌كان عێراق له‌گه‌ڵ ئه‌مه‌ریكا و توركیا، به‌تایبه‌تى له بوارى ئابوورى و بازرگانیدا، له‌گه‌ڵ هاریكاریى هاوبه‌ش بۆ به‌ره‌نگاربوونه‌وه‌ى تیرۆر."
سه‌رۆك نێچیرڤان بارزانى، دووپاتى كرده‌وه كه هه‌رێمى كوردستان "ئاماده‌ى چاره‌سه‌ركردنى كێشه‌كانیه‌تى له‌گه‌ڵ به‌غدا به گفتوگۆ و لێكگه‌یشتن له‌سه‌ر بنه‌ماى ده‌ستوور، له سه‌روویانه‌وه ئه‌و پرس و كێشانه‌ى په‌یوه‌ندییان به دۆخى ژیان و گوزه‌رانى هاووڵاتییانه‌وه هه‌یه. هه‌ر له‌مباره‌یه‌وه به‌ڕێز سه‌ركۆمار باسى له گرنگیى به‌رده‌وامیى دیدار و سه‌ردانه‌كانى شاندى هه‌ردوولا بۆ چاره‌سه‌كردنى كێشه‌كان كرد."
هەروەها سەرۆک نێچیرڤان بارزانى و د. لەتیف رەشید "سه‌ركۆنه‌ى هێرشى درۆنیى پێرێ شه‌وى سه‌ر كێڵگه‌ى گازى كۆرمۆریان له سنوورى پارێزگاى سلێمانى كرد و هێرشه‌كه‌یان به ده‌ستدرێژى بۆ سه‌ر سه‌روه‌رى و هه‌ڕه‌شه له ئارامى و سه‌قامگیریى وڵات، له قه‌ڵه‌م دا."
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment