سه‌رۆكى هه‌رێمى كوردستان له‌گه‌ڵ سه‌ركۆمارى عێراق كۆبووه‌وه
نوچەنێت:
پێشنيوه‌ڕۆى ئه‌مڕۆ يه‌كشه‌ممه (حەوتى نیسان/2024) سەرۆک نێچيرڤان بارزانى، سه‌رۆكى هه‌رێمى كوردستان له به‌غدا له‌گه‌ڵ د. له‌تيف جه‌مال ڕه‌شيد، سه‌ركۆمارى عێراقى فيدراڵ كۆبووه‌وه.
لەڕاگەیێندراوێکدا سەرۆکایەتیى هەرێمى کوردستان دەڵێت، له كۆبوونه‌وه‌كه‌دا "په‌يوه‌ندييه‌كانى هه‌ولێر ـ به‌غدا و دوايين ڕێككه‌وتنى حكوومه‌تى هه‌رێمى كوردستان و حكوومه‌تى فيدراڵى عێراق ده‌رباره‌ى مووچه‌ى مووچه‌خۆرانى هه‌رێمى كوردستان و هه‌وڵدان بۆ چاره‌سه‌ركردنى ته‌واوى كێشه‌كانى هه‌ولێر ـ به‌غدا له‌سه‌ر بنه‌ماى ده‌ستوور و هه‌ڵبژاردنى په‌رله‌مانى كوردستان تاوتوێ كرا."
سەرۆک نێچیرڤان بارزانى و د. له‌تيف جه‌مال ڕه‌شيد جه‌ختيان له‌سه‌ر "گرنگيى به‌رده‌واميى گفتوگۆ كرده‌وه بۆ چاره‌سه‌ركردنى كێشه‌كان و جێبه‌جێكردنى ڕێككه‌وتنى هاوپه‌يمانيى ده‌وڵه‌ت بۆ دامه‌زراندنى حكوومه‌تى فيدراڵى و مسۆگه‌ريى ماف و شايسته دارايييه‌كانى هه‌رێمى كوردستان و مووچه‌خۆرانى، دوور له كێشه سياسييه‌كان، هه‌روه‌ها هاريكارى و هه‌ماهه‌نگيى لايه‌نه سياسييه‌كانيان بۆ پاراستنى ئارامى و سه‌قامگيريى وڵات، به پێويست زانى."
هاوکات سه‌رۆكى هه‌رێمى كوردستان دووپاتى كرده‌وه كه "لێكگه‌يشتنى هه‌ولێر ـ به‌غدا و ڕێككه‌وتن له‌سه‌ر پرسى مووچه، كاردانه‌وه‌ى ئه‌رێنى به‌سه‌ر به‌ره‌وپێشچوونى په‌يوه‌ندييه‌كانى هه‌ردوولاوه ده‌بێت. هه‌ر له‌مباره‌يه‌وه سوپاس و پێزانينى بۆ ڕۆڵ و هه‌وڵه‌كانى به‌ڕێز سه‌ركۆمار له‌پێناو چاره‌سه‌رى كێشه‌كاندا ده‌ربڕى."
لە ڕاگەیێندراوەکەدا هاتووە، لاى خۆيه‌وه سه‌ركۆمارى عێراقى فيدراڵ، جه‌ختى له "گرنگيى پشتگيريى جێبه‌جێكردنى كارنامه‌ى حكوومه‌تى فيدراڵ كرده‌وه و ڕۆڵى به‌ڕێز سه‌رۆكى هه‌رێمى كوردستانى له چاره‌سه‌ركردنى پرسى مووچه و هه‌وڵه به‌رده‌وامه‌كانى بۆ لێكنزيككردنه‌وه‌ى لايه‌نه‌كان و چاره‌سه‌رى كێشه‌كان، به‌رز هه‌ڵسه‌نگاند."
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment