سه‌رۆك نێچیرڤان بارزانى پێشوازى له جێگری وه‌زیری ده‌ره‌وه‌ی ئه‌مه‌ریكا كرد
نوچەنێت:
سەرۆک نێچیرڤان بارزانى، سه‌رۆكى هه‌رێمى كوردستان، لەگەڵ ڤیكتۆریا نولاند جێگرى وه‌زیرى ده‌ره‌وه‌ى ئه‌مه‌ریكا کۆبووەوە و هەردوولا هاوڕابوون کە "تەبایی و لێكگه‌یشتنى پارتى و یه‌كێتییان له هه‌رێمى كوردستان و له‌سه‌ر ئاستى عێراق".
ڕۆژى چوارشەممە (20/کانوونى یەکەم/2023) سەرۆک نێچیرڤان بارزانى، سه‌رۆكى هه‌رێمى كوردستان، پێشوازى له ڤیكتۆریا نولاند جێگرى وه‌زیرى ده‌ره‌وه‌ى ئه‌مه‌ریكا كرد.
سەرۆکایەتیى هەرێمى کوردستان لە ڕاگەیێندراوێکدا دەڵێت، له كۆبوونه‌وه‌یه‌كدا كه باڵیۆزى ئه‌مه‌ریكا له عێراق و کۆنسوڵی گشتیی ئه‌مه‌ریکا له هه‌رێمی کوردستان ئامادهى بوون، "په‌یوه‌ندییه‌كانى ئه‌مه‌ریكا له‌گه‌ڵ عێراق و هه‌رێمى كوردستان، دۆخى سیاسى و ئه‌منیى عێراق، په‌یوه‌ندییه‌كانى هه‌ولێر ـ به‌غدا و دۆخى ناوخۆى هه‌رێمى كوردستان" تاوتوێ كران.
سەرۆک نێچیرڤان بارزانى و ڤیكتۆریا نولاند هه‌ردوولا جه‌ختیان له "گرنگیى پاراستنى ئاسایش و سه‌لامه‌تیى نێرده دیپلۆماتییه‌كان و هێزه‌كانى ئه‌مه‌ریكا و هاوپه‌یمانان له عێراق كرده‌وه. له‌مباره‌یه‌وه هاوڕا بوون كه ده‌بێ لایه‌نه په‌یوه‌‌ندیداره عێراقییه‌كان ڕێكارى پێویست بگرنه به‌ر بۆ وه‌ستاندنى ئه‌و هێرشانه."
سەبارەت بە دۆخى ناوخۆى هه‌رێمى كوردستانیش، هه‌ردوولا "ته‌بایى و لێكگه‌یشتنى لایه‌نه سیاسییه‌كان به‌تایبه‌تى پارتى و یه‌كێتییان له هه‌رێمى كوردستان و له‌سه‌ر ئاستى عێراق به پێویست زانى. له‌مباره‌یه‌وه سه‌رۆك نێچیرڤان بارزانى ئاماژه‌ى به لێكگه‌یشتن و باشبوونى په‌یوه‌ندییه‌كان كرد."
هەروەها ڕاگەیێندراوەکە دەڵێت، "هه‌ڵبژاردنى ئه‌نجومه‌نى پارێزگاكانى عێراق، دۆخى ناوچه‌كه به‌گشتى، دوایین پێشهاته‌كانى ڕۆژهه‌ڵاتى ناوه‌ڕاست، لێكه‌وته‌كانى شه‌ڕ له غه‌زه و چه‌ند بابه‌تێكى دیكه‌ى جێى بایه‌خى هاوبه‌ش"، ته‌وه‌رى دیكه‌ى كۆبوونه‌وه‌كه بوون.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment