سه‌رۆك بارزانی به‌شداریی له كۆنگره‌ی (12)ـی پارتی دیموکراتی کوردستان-سووریا ده‌كات
نوچەنێت:
ئەمڕۆ شەمە (10/حوزەیران/2023) له هه‌ولێر به به‌شداری سه‌رۆك بارزانی دوازده‌یه‌مین كۆنگره‌ی پارتی دیموکراتی کوردستان - سووریا ده‌ستیپێكرد و تیایدا سه‌رۆك بارزانی وتارێكی پێشكه‌ش كرد.
بارەگاى بارزانى لە ڕاگەیێندراوێکدا دەڵێت، سه‌رۆك بارزانی له وتاره‌كه‌یدا سه‌ره‌تا هیوای سه‌ركه‌وتنی بۆ خواستن و رایگه‌یاند، "هیوادارم كۆنگره‌كه‌تان سه‌ركه‌وتوو بێت و له‌ئاستی داواكاری جه‌ماوەرەکەتان بێت" هه‌روه‌ها "رۆڵی پارتی دیموکراتی کوردستان - سووریای له شۆڕشه‌كانی ئه‌یلوول و گوڵان به‌رز نرخاند و پێزانینی بۆ هه‌وڵ و تێكۆشانی له‌شكری رۆژ له‌شه‌ڕی دژی تیرۆرستانی داعش هه‌بوو كه به ده‌یان شه‌هیدیان پێشكه‌ش به نیشتمان كرد."
سەرۆک بارزانى لە بەردەوامى وتارەکەیدا ڕایگەیاند، "سوپاسی ئێوه و هه‌موو ئه‌و تێكۆشه‌رانه ده‌كه‌م كه له رابردوو و ئێستادا رۆڵی گرنگیان بینیوه له بزووتنه‌وه‌ی ئازادیخوازیی گه‌له‌كه‌ماندا. لێره‌وه سڵاو بۆ جه‌ماوه‌ره خۆڕاگره‌كه‌تان ده‌نێرم. سڵاو بۆ ئه‌وانه‌ی كه ئاواره‌ی وڵاتان بوون و ئه‌وانه‌ی لێره له ماڵی خۆیاندان."
ڕاگەیێندراوەکە ئاماژە بەوەدەکات، سه‌رۆك بارزانی هیوای خواست بارودۆخێك دروست بێت كه بتوانن بگه‌رێنه‌وه زێدی باب و باپیران و به یه‌كگرتوویی رووبه‌ڕووی ته‌حه‌دیاته‌كان ببنه‌وه، هه‌روه‌ها داواشی كرد "دۆستایه‌تی و هاوپه‌یمانیان زیاتر پته‌و بكه‌ن و گوتی، له‌سه‌ره‌تای رووداوه‌كانی سووریا له ساڵی 2011ـه‌وه به به‌رده‌وامی پشتیوانتان بووین بۆ ئه‌وه‌ی یه‌كڕیز و ته‌با و یه‌كڕه‌نگ بن و هه‌ر بڕیارێك پێتان باش بوو بیده‌ن."
لە بەشێکى دیکەى وتارەکەیدا گووتیشى "ئێمه پشتیوانتان بووین بۆ ئه‌وه‌ی هه‌موو لایه‌نه‌كان سێ كۆنگره (دوو له هه‌ولێر و یه‌ك له دهۆك) ببه‌ستن بۆ خه‌بات و پێكه‌وه‌یی نه‌ته‌وه‌یی، به‌ڵام به‌داخه‌وه كۆسپ دروستكرا، بێگومان رێگه‌ی تێكۆشانی گه‌ل دوورودرێژە و ئه‌وانه‌ی ده‌بنه كۆسپ له‌به‌رده‌م ده‌ستكه‌وته‌كان، باجه‌كه‌ی ده‌ده‌ن."
بەپێى ڕاگەیێندراوەکە، سه‌رۆك بارزان دووپاتی كرده‌وه، "ئێمه هه‌رده‌م پشتیوانی ئێوه‌ین له‌پێناو خه‌باتێكی راسته‌قینه‌ی نه‌ته‌وه‌یی و نیشتمانی كه خزمه‌ت به دۆزی ره‌وای گه‌لی كورد بكات له سووریا"، هەروەها "سه‌رۆك بارزانی سڵاوی بۆ گیانی پاكی ئه‌و تێكۆشه‌رانه نارد كه به‌ناحه‌ق شه‌هیدكران و ئه‌وانه‌شی له به‌ندیخانه‌كاندان."
ئەوەش هاتووە، (12)ـه‌مین كۆنگره‌ی پارتی دیموكراتی كوردستان - سووریا به ئه‌ماده‌بوونی زیاتر له 220 ئه‌ندام له شاری هه‌ولێر بۆ ماوه‌ی دوو رۆژ به‌ڕێوه‌ده‌چێت و تیایدا 29 ئەندامی کۆمیتەی ناوەندی هەڵدەبژێردرێن و دواتریش سكرتێری پارتی دیموكراتی كوردستان - سووریا هه‌ڵده‌بژێردرێت.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment